ഭോജനാസനം

ഭോജനാസനം

അതികഠിനമായ നടുവുവേദനമൂലം ഇക്കുറി

“അനന്തശായി” ആസനത്തില്‍ അമര്‍ന്നുകൊണ്ടായിരുന്നു,

ഈ ബ്ലോഗര്‍ ദിഗന്തങള്‍ മുഴങുന്ന ശബ്ദഘോഷത്തോടെ

ഓണപ്പപ്പടങ്ങളെ തകര്‍ത്തു തവിടുപൊടിയാക്കുകയും

രസ-മോരു-പായസാദികളെ ധൃതിയില്‍ അകത്താക്കുകയും

തനിയ്ക്കുചുറ്റും പന്ത്രണ്ടടി ചുറ്റളവില്‍ ഭോജനയാഗശാല

ചപ്പിയ മുരിങ്ങാക്കോലുകള്‍‍കൊണ്ട് യുദ്ധക്കളമാക്കുകയും
ഒടുവില്‍ ബാക്കിവരുന്ന തൂശനിലയെ പിച്ചിച്ചീന്തി

പഴം ചേര്‍ത്തടിച്ച് ഉഗ്രന്‍ രണ്ടേമ്പക്കവും‍ മുഴക്കി

‘മം‍ഗളം’ പാടി അവസാനിപ്പിയ്ക്കുകയും ചെയ്തത്
എന്നു ഒട്ടു സങ്കോചത്തോടെ പ്രഖ്യാപിച്ചുകൊള്ളട്ടെ ...

* * ** * * *